Gianni de Biasi, trajneri i kombëtares shqiptare, ka ftuar në kombëtaren shqiptare mesfushorin kosovar, Eros Grezda, i cili aktivizohet me skuadrën kroate, Lokomotiva Zagreb.
Këtë e ka konfirmuar klubi nga elita e futbollit kroat nëpërmjet një njoftimi për media, shkruan Express. Grezda, i cili më herët ka luajtur me Shqipërinë U21, është ftuar për ndeshjen ndaj Lihtenshtajnit dhe Spanjës.
“Me krenari njoftojmë se Eros Grezda, deri tani pjesë e Shqipërisë U-21, është thirrur për herë të parë nga ekipi A i Shqipërisë për ndeshjet kundër Lihtenshteinit dhe Spanjës”, thuhet në postimin e Lokomotivës.
