ZYRTARE/ Policet femra tani mund të vishen dhe kështu, hixhabi pjesë e uniformës

Policia e Skocisë ka njoftuar se hixhabi do të jetë pjesë e uniformës zyrtare të saj. Policia tha se shpresojnë se kjo lëvizje do t’i “inkurajojë” gratë e komunitetit mysliman, që më herët nuk e kanë parë policinë si opsion karriere, ta rikonsiderojnë atë. Siç shkruan agjencia e lajmeve “Express”, në të kaluarën, zyrtarët myslimanë të policisë në Skoci e kishin të lejuar të vishnin hixhabin, por vetëm pasi aprovohej nga anëtarët e stafit. Policia Metropolitane kishte prezantuar hixhabin si pjesë të uniformës zyrtare më 2001, për të rekrutuar njerëz të komuniteteve të ndryshme. Në një qëndrim zyrtar, shefi i policisë Phil Gormley tha: “Jam i kënaqur ta bëj këtë njoftim dhe mirëpresim mbështetjen nga të dyja komunitetet, si ai mysliman ashtu edhe komunitetin e gjerë, si dhe zyrtarët e policisë dhe personelit”.