Ditën e nesërme djali i vetëm i kryetarit të bashkisë së Tiranës, Erion Veliaj, feston 1-vjetorin e lindjes. Gjatë këtyre muajve kryebashkiaku dhe bashkëshortja, Ajola Xoxa kanë publikuar shpesh foto të vogëlushit, duke u kujdesur që të mos e zbulojnë portretin e plotë të tij.
Ndërsa sot një ditë para ditëlindjes së Kajan, Ajola është bërë nostalgjike dhe ka postuar një foto nga koha e shtatzënisë. Në fakt imazhi i publikuar është mjaft domethënës për Xoxën, pasi është realizuar 14 orë para lindjes së vogëlushit. E veshur me një fustan të zi, që i nxirrte në pah barkun e rrumbullakosur, edhe para lindjes Ajola është dukur mjaft simpatike.
Bashkangjitur fotos së publikuar ajo ka shkruar: “Kjo foto është marrë më 5 tetor 2018, 14 orë përpara se të vinte në jetë Kajan, kjo dritë e vogël që ndriçon jetën tonë sa njëqind mijë yje vezullues”. Erion Veliaj ka treguar shpesh në intervista të ndryshme se Kajan i ka ndryshuar jetën plotësisht atij dhe Ajolës, e se vogëlushi i ngjan shumë në karakter vetë atij. /revistawho.com
