Marsi i një viti më parë, përveç pranverës solli në qëndër të Tiranës, një prej investimeve më gjigande në vend dhe rajon… Një qëndër unike për nga arkitektura, hapësirat dhe mbi të gjitha fort e volitshme për këdo që do të blejë apo kalojë kohë të lirë, në zemër të qytetit, hapi dyert më 2 Mars 2017.
1-vjetori i “Toptani Shopping Center” është konceptuar si një festë e madhe për të gjithë shqiptarët, sepse për ta u ndërtua dhe me ta do të festohet… Festa do të zgjasë tre ditë dhe në këtë ditëlindje të parë, dhuratat do t’i marrin qytetarët, klientët e kësaj qëndre shumë të dashur dhe kaq konveniente për të gjithë. Në datat 2, 3 dhe 4 mars do të organizohen aktivitete të ndryshme për të kënaqur të mëdhenj e të vegjël, çdo vizitor të “Toptanit”. E gjithë festa përkthehet në një mundësi të shkëlqyer për të kaluar fundjavën pa patur nevojë të largohesh nga qyteti.
AKTIVITETET
Në datat 2, 3 dhe 4 Mars në orare të ndryshme do të shpërndahen disa çelësa, të cilët do të shërbejnë për të hapur shumë dryna. Drynat e hapur një nga një do të krijojnë një konstruksion shumë interesant ku do të shkruhet “1 vit Toptani” dhe mbi të gjitha, vizitorët që arrijnë të hapin një dryn do të fitojnë dhe një dhuratë.
Data 3 mars është menduar e gjitha si një ditë kushtuar totalisht argëtimit dhe kulturës. Gjatë paradites do të jenë të ftuar “Cirku i Tiranës” për të ofruar një shfaqje magjepsëse me disa nga numrat e tyre më interesantë. Pasditja do t’i kushtohet moshave më të rritura, sepse një grup violinistësh dhe kuarteti i harqeve do të ofrojnë muzikë të lehtë instrumentale për të gjithë të apasionuarit.
4 marsi është dita që shënon përvjetorin e parë të qendrës “Toptani” dhe kjo është menduar si dita e festës së madhe. Në qendër të “Toptani” do të varen disa ‘Pinata’ me numrin 1 që simbolizojnë përvjetorin dhe brenda tyre do të ketë dhurata. Disa vizitorë do të zgjidhen rastësisht, dhe do u duhet të godasin ‘Pinatat’ derisa të dalin dhuratat.
Kjo është vetëm maja e ajsbergut, surprizat e tjera ju presin t’i zbuloni vetë në qendër. Merr familjen dhe miqte e bëj një xhiro në zemër të Tiranës, sepse do ia vlejë: në datëlindjen e parë, “Toptani” feston dhe dhuron! / revistawho.com
