Mund t’ju jepnim shumë më shumë, sepse me vitet kjo shkollë ka ditur ta shkruajë historinë e saj të suksesit përmes shembujve realë nga çdo kënd i Shqipërisë dhe jo vetëm… Por sot po ju prezantojmë më 10 arsye që “revistawho.com” ka zgjedhur për t’ua sugjeruar kolegjin profesional “New Generation”, çdo të riu që dëshiron të ketë një profesion të sigurtë!
1. 9 vjet histori brilante suksesi
2009-2014 – Pas aplikimit në MAS, themelimi i Kolegjit u bë nga Vendimi i Këshillit të Ministrave Nr. 798, datë 22.07.2009, ku u lejua të hapej programi i ciklit të parë të studimit Bsc në Masazheri Estetiko – Kuruese. Me VKM nr 440, datë 09.06.2010 u bë hapja e dy programeve dy vjeçare: “Estetikë e Avancuar” dhe “Parukeri e Avancuar”. Me Urdhër Nr. 320, datë 13.08.2013, u akreditua Institucioni dhe të tre programet e studimit.
Në vitin 2014, në Ministrinë e Mirëqënies Sociale dhe Rinisë, me statusin Qendër Multifunksionale, me një synim akoma më të lartë, atë të të qenurit sa më pranë tregut të punës. Nga viti i parë me qindra studentë janë aftësuar për tregun e punës falë kualifikimit në “New Generation”.
2. Programe ambicioze europiane dhe kualifikime profesionale
“New Generation” ofron si Arsim Profesional me programe studimi dy vjeçare ambicioze europiane gjithashtu Formim Profesional.
Programet e studimit në Qendrën Multifunksionale “New Generation”, janë hartuar për të realizuar një kombinim perfekt midis lëndëve të formimit bazë dhe atyre të formimit profesional, duke vënë theksin në formatin intelektual qe duhet të ketë profesionisti i ardhshëm.
3. Zgjedhje e gjerë dhe shumëllojshmëri programesh
Trajnime afatshkurtra dhe afatgjata, azhornim njohurish. “New Generation” ofron programe studimi në Parukeri të Avancuar, Estetikë të Avancuar, Masazheri Estetiko-Kuruese, Fizioterapi Estetike, Nail Artist, Make up, Tattoo, Berber, të aftë për të plotësuar nevojat e atyre që dëshirojnë të bëjnë realitet ëndrrën e tyre për të mësuar një profesion, por edhe për profesionistët që ndjejnë nevojën për të përsosur teknikat e tyre, gjithmonë në përputhje me tendencat e fundit në botën e bukurisë.
4. Stafi i kualifikuar
Në Qendrën Multifunksionale “New Generation”, lëndët e formimit bazë, zhvillohen nga pedagogë me tituj shkencorë dhe me eksperiencë shumë vjeçare duke e konsideruar këtë formim si shumë të rëndësishëm në aftësimin e tyre profesional.
Lëndët e formimit profesional, zhvillohen nga pedagogë të cilët kanë kryer studimet e tyre në Europë, duke u dhënë kështu studentëve, atë çka ata aspirojnë, formatin perëndimor.
Pedagogët e huaj në lendët e formimit profesional, kanë një frekuencë çdo disa muaj me mësimdhënie në formën e leksioneve dhe orëve praktike.
5. Punësim i sigurt
Një ndër pikat më të forta të “New Generation”, është punësimi i studentëve. Suksesi i sfidës së përbashkët, e institucionit por edhe e studentëve, vërteton më së miri se rruga e zgjedhur, ka qenë ajo e duhura.
Me një formim të plotë shkencor dhe profesional, me praktika të thelluara gjatë viteve akademike, studentët e “New Generation”, janë punësuar 100% në profesionet të cilat kanë qenë pasion dhe ëndërr e tyre, brenda dhe jashtë vendit.
Tashmë dhe me një zyrë për: informim/ punësim/ karrierë/ trajnim gjatë gjithë jetës!
6. Praktika në show televizivë, sfilata dhe jeta studentore
Në bashkëpunim të vazhdueshëm me televizione, stilistë, fotografë dhe Institucione arti dhe mode. Këto bashkëpunime së pari bëjnë të mundur nxitjen e ambicies profesionale mes studentëve që të arrijnë në ato nivele për të qenë pjesë e backstage-ve të këtyre emisioneve. Së dyti, është një praktikë shumë e mirë për ta për të mësuar se cilat veçori duhet t’i ketë një profesionist i mirë; zgjeron horizontin e tyre; nxisin frymën e të punuarit në grup; japin adrenalinë në sajë të të punuarit shpejt dhe cilësisht ashtu si edhe kërkohet në spektaklet live.
7. Praktika në Sallonet & Spa më të mira në Tiranë dhe Shqipëri
“New Generation” ka bashkëpunim intensiv dhe të drejtpërdrejtë institucional me qendrat Wellnes, SPA dhe sallonet e bukurisë, për t’i krijuar mundësi praktikimi dhe punësimi studentëve gjatë, por dhe pas përfundimit të studimeve. Praktika luan një rol të rëndësishëm në periudhën e studimit, për të bërë studentin të vetëdijshëm dhe të gatshëm për t’u përfshirë profesionalisht në një industri gjithnjë në ndryshim, që ka nevojë për profesionistë të kualifikuar dhe kompetentë.
8. Konkurse dhe projekte për të stimuluar aftësitë e studentëve
“New Generation” organizon konkurse dhe projekte, për të stimuluar studentët të përballen me tregun e punës duke përdorur më së miri aftësitë dhe talentin e tyre për t’u përballur me çdo sfidë dhe ndryshim. Ata të cilët e realizojnë punën më mirë, bëhen pjesë të parët në bashkëpunimet me televizionet, fotografët, teatrot, etj.
9. Pagesat me këste sipas mundesive të studentëve
Ekzistojnë disa mundësi për pagesat e studimit, pasi “New Generation” përpiqet të ndihmojë dhe lehtësojë studentët në përmbushjen e ambicies së tyre profesionale.
10. Janë në qendrën e qytetit
Selia e Qendrës Multifunksionale “New Generation” është vetëm disa minuta më këmbë nga qendra e qytetit të Tiranës. / revistawho.com
