1. Si një piktor që bën veprat e tij, çdo doktor ka formulën e vetë që i pëlqen të përdorë. Doktorët pranojnë se mbushësi më i lehtë, natyral dhe i përkohshëm është acidi hialuronik. Disa mjekë të huaj thonë se një nga acidet hialuronik më të rinj i quajtur ‘Juvéderm Volbella’ është i bërë posaçërisht vetëm për buzët dhe u jep atyre volum dhe shkëlqim natyral.
2. Ju mund ta hiqni shumë lehtë acidin hialuronik nëse nuk u pëlqen rezultati i pamjes së re të buzëve. Duke qenë se acidi hialuronik nuk është i përhershëm doktorët tuaj mund të aplikojnë një enzimë të quajtur hialuronidaza që heq acidin hialuronik. Kjo enzimë do të shpërbëjë acidin në pesë minuta nëse jeni të pakënaqura me rezultatin.
3. Mund të kushtojë nga 500$ deri në 2000$ për të mbushur buzët tuaja, në varësi të doktorit dhe vendit ku jetoni.
4. Mbushësit me acid hialuronik zgjasin nga 4 deri në 6 muaj. Nëse trupi juaj tretë shpejt, formula do të shpërbëhet shpejt dhe injeksioni nuk do të zgjasë shumë.
5. Do t’i shikoni rezultatet pothuajse menjëherë. Buzët tuaja në fillim do të jenë pak të enjtura, por ju do t’i shihni rezultatet e injeksionit shumë shpejt. Për 24 orë duhet të prisni deri sa të ulet enjtja dhe pastaj ditën tjetër dhe në muajt në vazhdim do të shihni rezultatin e vërtetë.
6. Në fillim të procedurës do të ndjeni një pickim të vogël më pas kur mbushësi të injektohet do të ndjeni një djegje. Më pas doktori do të masazhojë për pak buzët tuaja dhe do t’i ftoh për 10 minuta dhe më pas jeni të lira për të vazhduar ditën tuaj.
7. Nuk duhet të ushtroheni ditën e procedurës. Veçanërisht duhet të shmangni aktivitetet që rrisin qarkullimin e gjakut në fytyrën tuaj si masazh apo trajtime bukurie për fytyrën.
8. Një mavijosje e lehtë ose rrjedhje gjaku në pjesën ku bëhet injektimi është diçka normale dhe e pritshme. Mavijosja duhet të zhduket pas 5 ose 7 ditësh.
9. Mos prisni që të keni buzët e Angelina Jolie. Ju mund të sillni foto të personazheve të ndryshme që keni qejf buzët e tyre, por ju dhe doktori duhet të vendosni se çfarë duket bukur dhe jo në fytyrën tuaj.
10. Duhet të kuptoni se edhe injeksionet e buzëve janë procedura të rrezikshme. Edhe pse është një procedurë që kërkon pak kohë, përsëri përmban rrezik si përshembull bllokimi i enëve të gjakut./revistwho.com
