Artisti i njohur i ‘make up-it’ me origjinë shqiptare, Mario Dedivanovic, prej vitesh është i përzgjedhuri i familjes më të famshme në botë Kardashian-Jenner. Ai ka punuar më së shumti me Kim Kardashian dhe të dy bashkë 1 vit më parë realizuan linjën e parë të ‘make up-it’ nën emrin “KKWxMARIO”. Ditën e sotme Mario e ka kujtuar këtë gjë dhe 11-vjetorin e punës me Kim me disa nga kujtimet më të bukura. “Nuk mund ta besoj se ka kaluar 1 vit që nga lançimi i ‘KKWxMARIO’. Gëzuar përvjetorin e 1 dhe 11-vjetorin e të punuarit bashkë!”, ka shkruar Mario në një postim me disa video dhe foto të Kim Kardashian.
https://www.instagram.com/p/BwKVDm6l5LM/
Në publikimin e tij ai ka hedhur dyshimet për një linjë tjetër ‘make up-i’, sepse ka pyetur nëse do të dëshironin një bashkëpunim të dytë me Kim. Kujtojmë se pak vite më parë në të gjithë rrjetin u bë virale një video, në të cilën Mario tregonte se i kishte mësuar gjuhën shqipe Kim Kardashian. /revistawho.com
