13-vjeçarja Klera Çaku është shpallur kampione Evrope dhe bote në shah, duke shënuar kështu një sukses të madh në shahun shqiptar.
Ajo ka lindur në Shkodër dhe shahun ka nisur ta mësojë që në vitet e pata të jetës.
Klera Ishte vetëm 7 vjeçe kur ndiqte lojën e gjyshit, e një vit më vonë u shpall kampione e shkollës së saj.
Vitet treguan se ajo fitore nuk ishte thjesht fat fillestari, por vogëlushja e donte shahun dhe aty ishte 100% vetvetja.
13-vjeçarja ka arritur të triumfojë në këtë kompeticion, ku përballë kishte vajza deri në moshën 14-vjeçare. Ajo numëron 13 kupa fitoreje dhe synon të marrë pjesë dhe t’i fitojë të gjitha kompeticionet.
