Rrallë ndodh që meshkujt të shfaqin haptazi dashurinë që kanë për femrën me të cilën kanë zgjedhur të kalojnë jetën. Fundja është natyra komplekse që kanë. Por këngëtari i njohur Labi, ka vendosur të surprizojë të shoqen me disa fjalë të ndjera, të dala nga zemra. “Kur thua të dua, unë ato fjalë nuk i marr si puna e limonit, sa të shtrydhin e të gjuaj në plehra. Nëse ma thua vetëm një herë fjalën “Të dua” e marr me shumë shpirt afër zemrës, mbaje dhe ti. Unë nuk jam ai njeri që të shoh si limoni. Unë e vlerësoj shumë atë shprehje, për të cilën ma mundësoi Zoti që nga ti ta dëgjoj”,- shkruan ai. Kushedi sa është emocionuar bashkëshortja e tij, sepse nuk ka ndodhur kurrë më parë që këngëtari i njohur, tashmë deputet të dedikojë disa rreshta për të. Fundja kot nuk thonë, pas çdo mashkulli fshihet një femër që i jep kurajo të ecë sa më lart.
