Revistawho.com sjell çdo javë receta të ndryshme gatimi nga shefi i njohur i kuzhinës, Renato Mekolli. Njihuni me dy recetat e radhës.
Fileto levreku me erëza
4 fileto levreku
1kg spinaq
100gr brokoli
100 gr gjalpë
2 limonë
Gjysmë speci jeshil
1 kungull jeshil
1 karotë
1 qepë e thatë
1 qepë e njomë
2 thelpinj hudhre
Pak trumzë
Pak rozmarinë
Vaj ulliri
Kripë
Piper
Pastrojmë dhe filetojmë peshkun, i hedhim kripë dhe piper dhe e lëmë të marinohet për 30 minuta. Lajmë dhe presim të gjitha perimet (përveç spinaqit), kalojmë në tigan në temperaturë shumë të ulët me kapak të mbyllur, që të fillojnë të zbuten dhe i lëmë mënjanë. Në një tenxhere vlojmë ujë, vëmë gjethet e spinaqit dhe i ziejmë për 5 minuta. Ashtu të ngrohtë e kalojmë në multi me gjysmën e lëngut të limonit, gjysmën e sasisë së gjalpit, kripën dhe piperin. Në një tigan skuqim fileton e levrekut dhe fillojmë dekorimin e pjatës, duke shtruar fillimisht kremin e spinaqit, perimet me gjalpin dhe me lëngun e limonit që ka tepruar dhe sipër tyre vendosim filetot e levrekut.
Kek me kupa
250gr gjalpë
250gr sheqer
250gr miell
100gr pluhur bajamesh
1 lugë e gjysmë kafeje fryrës brumi
4 vezë
1 bishtajë vanilje
Ngrohim furrën në 170 gradë. Ngrohim në një tenxhere gjalpin derisa të squllet, por jo të lëngëzohet (shkrijë si vaj). Përziejmë me mikser sheqerin dhe vezët me shpejtësi mesatare për 4 minuta dhe më pas shtojmë gjalpin e shkrirë (jo të ngrohtë). Në vazhdim shtojmë miellin, pluhurin e bajameve, fryrësin dhe vaniljen duke i kaluar të gjitha në sitë. Vazhdojmë t’i përziejmë edhe për 2 minuta. Mbushim kupat, por pa i mbushur plot, pasi brumi fryhet dhe i pjekim për 20-30 minuta në temperaturë 175 gradë./revistawho.com
