Menjëherë pas kthimit nga turet muzikore së bashku me bandën e saj, këngëtarja e njohur e ‘showbiz-it’ shqiptar, Aurela Gaçe vendosi të vetizolohet për 2 javë larg njerëzve të saj më të dashur. Artistja tregoi se gjatë kësaj kohe më e vështirë ka qenë largimi nga dy vajzat e saj, Grace dhe Abigal për të cilat e kishte marrë shumë malli.
Mesa duket ditët më të vështira për Aurelën kanë mbaruar, pasi këngëtarja ka mundur t’i përqafojë nga afër dy vajzat e saj, duke ndjerë kështu një lumturi të madhe.
“Më në fund, bashkë ❤❤❤❤. Mbas 14 diteve, vetë-izolim ( per shkak se kishim udhetuar se bashku me grupin).
Pritëm me ankth te 7 ne qe ishim 2 jave më parë pertej oqeanit, me friken se mund te shfaqnim ndonje shenje. Per 14 dite, pyesnim perdite njeri-tjetrin, por fatmiresisht, te gjithe ne jemi mire e ju bashkuam me ne fund familjeve tona.
Vete-izolimi ishte detyre pindërore. Por edhe per ata prindër qe na kanë dhene jeten.
Tani, do te vazhdojme te qendrojme mbyllur, por se bashku?.
Dua te falenderoj secilin nga ndjekesit qe më kane derguar mesazhe, qysh nga momenti kur u kthyem, duke pyetur se si ishim, e duke me dhene kurajo.
Ishte shume prekese per mua, pasi kisha edhe shume presion psikologjik, duke pritur cdo dite per ndonje simptome. E vleresoj shume kujdesin dhe dashurine tuaj.
Se bashku, shpresoj t’ja dalim, te gjithe .
#uneqendrojneshtepi”, ka shkruar Gaçe krah fotos ku shfaqet me dy dashuritë e saj më të mëdha. Aurela ka theksuar se pas kësaj periudhe do të vazhdojë të qëndrojë e vetizoluar, por në dallim nga dy javët e lëna pas do të jetë bashkë me familjen e saj.
Me siguri këto duhet të jenë momentet më të lumtura për këngëtaren, e cila ka treguar herë pas here se si e ka kaluar dhe përjetuar këtë periudhë kohe larg fëmijëve./revistawho.com
https://www.instagram.com/p/B-UpKULg7ea/?igshid=l1rhiun12rwm
