Aktorja Bensu Soral u bë shumë e njohur në Shqipëri më rolin e Melekut në serialin “I infiltruari” ku luante krah Çagatay Ulusoy, i njohur si Sarp. Ishte ky rol që i dha famën e madhe aktores, e cila në mars mbushi 30 vjeç. Në vitin 2018, Bensu Soral lidhi kurorë me aktorin Hakan Bas, 39 vjeç dhe atëherë kur mendonim se gjithçka mes tyre po shkonte mirë, çifti ka pësuar një krizë në martesën e tyre. Këtë e ka konfirmuar edhe vetë aktorja duke treguar se prej një muaji ata janë në një situatë të turbullt e po mundohen ta zgjidhin.
“Është e vërtetë që po kalojmë një periudhë të turbullt prej një muaji për shkak të disa çështjeve për të cilat nuk biem dakort. Nga ana tjetër po përpiqemi ta bëjmë martesën të funksionojë. Komentet fallco nga njerëzit po e bëjnë këtë proces edhe më të vështirë. Kërkojmë privatësi”,-tha aktorja.
Megjithatë pavarësisht krizës, çifti e ka kaluar Vitin e Ri bashkë. Ata udhëtuan në Paris dhe për t’i treguar botës që janë bashkë pozuan në Instagram krah njëri-tjetrit.
