Seriali shumë i njohur “Beautiful” ka fryrë sot 35 qirinjtë e ditëlindjes. Ajo u lançua me episodin e parë në 23 Mars 1987, kur familja Logan dhe Forrester e tërhoqën publikun me dashuri, intriga dhe shumë sharm. Krijuar nga William J. Bell dhe Lee Phillip Bell për CBS, “Beautiful” u transmetua në 100 shtete dhe ishte më e ndjekura online me 35 milionë ndjekës në ditë. Telenovela u transmetua edhe në Shqipëri në TVSH dhe mori një audiencë të lartë, pasi ishte shumë ndryshe nga prodhimet e tjera të transmetuara asokohe. Telelnovela pati 36 sezone dhe 8734 episode në total. Sot yjet e tij do festojnë përvjetorin me një episod special që ka mbledhur bashkë aktorët.
Po ku janë sot personazhet aq të dashur për publikun?
Ronn Moss (Ridge Forrester)
Ai sapo ka mbushur 70 vjeç dhe jeton në një fermë superluksoze në Puglia. Ai është i martuar me Devin DeVasquez që është modele dhe aktore.
Joanna Johnson (Caroline Spencer)
Ajo ishte gruaja e parë e Ridge dhe është nisja e gjithë historisë së Beautiful. Sot është producentë dhe është e martuar, gjithashtu ka dy fëmijë të adoptuar.
Clayton Norcross (Thorne Forrester)
Ai është 67 vjeç dhe jeton mes Romës dhe Los Angeles ku luan në disa projekte në seri.
Susan Flannery (Stephanie Forrester)
Susan ka ndërruar jetë në vitin 2012, por kontributi i saj në më shumë se dy dekada për telenovelën nuk u harrua asnjëherë. Ajo u nderua me disa çmime.
Daniel McVicar (Clarke Garrison)
Ai ka qenë i martuar me Virgina De Agostini, yll i patinazhit. U divorcua me të në 2011-ën, ndërsa më vonë pësoi traumën e humbjes së djalit të tij 22-vjeçar. Tani ai është profesor aktrimi.
Adrienne Frantz (Amber Moore)
Ndër vite është marrë me këndim dhe aktrim, ndërsa sot është në pritje të fëmijës së tretë me kolegun e saj Scott Bailey.
Drew Tyler Bell (Thomas Forrester)
Sot Drew luan në Broadway.
Jennifer Finnigan (Kristen Forrester)
Ajo ishte fëmija e protagonistëve ne rol, ndërsa sot e rritur, dhe pjesë e shumë sukseseve filmike. Së fundmi, Jennifer është ylli i serive Moonshine.
Kyle Lowder (Rick Forrester)
Kyle vazhodn të korrë suksese në telenovela ndërsa është edhe një këngëtar operistik i shkëlqyer.
Jack Wagner (Nick Marone)
Sot Jack është 61 vjeç dhe ka tre fëmijë me ish gruan e tij. Ai e ka ndërprerë karrierën, por gjatë saj, krah aktrimit edhe ka kënduar.
