Nëse mendonit se gjithçka ishte e qartë mes Katy Perry dhe Justin Trudeau, mendoni sërish. Pas disa javësh plot spekulime, veprimet e fundit të dyshes vetëm sa e kanë bërë situatën edhe më të paqartë.
Së pari, ata u fotografuan në një darkë që dukej si takim i mirëfilltë. Më pas, Justin u shfaq në një nga koncertet e Katy-t, ku të gjithë vunë re një detaj të pazakontë: ai qëndroi i vetëm gjatë gjithë mbrëmjes, duke kërcyer pa shoqëri. Kjo nuk kaloi pa u komentuar.
Çfarë po ndodh realisht mes tyre? Javën e kaluar, burime pranë çiftit thanë qartë se bëhej fjalë për një takim. Por këtë javë, tabloidi The Daily Mail raporton ndryshe. Një burim i tha medias se: “Ai donte thjesht bileta për koncertin e saj dhe ajo e ftoi. Më pas, ajo e ftoi edhe për darkë.” Sipas të njëjtit burim, “ndërsa Katy e konsideroi një takim, Justin e pa thjesht si një darkë mes miqsh” dhe “ndihet pak i befasuar nga gjithë kjo situatë.”
Në kontrast të plotë me këtë, një tjetër burim për The Sun thotë se mes tyre po lind diçka më shumë. “Ata kanë një kimi të fortë deri tani” – tha burimi – dhe shtoi se “kanë në plan të shihen përsëri shumë shpejt.” Jo vetëm kaq, por sipas të njëjtit person: “Ai ndihet sërish si një çun i ri” dhe është “shumë i entuziazmuar nga ajo që po ndodh.”
Ai gjithashtu raportohet se “dëshiron ta njohë më mirë Katy-n dhe të shohë si do të ecë raporti.”
Sa për famën e saj si superyll, burimi thekson: “Ai nuk ka frikë nga fakti që ajo është një superyll dhe gjithë vëmendja që kjo sjell.” Dhe për të larguar çdo dyshim për ndonjë flirt të shpejtë, thuhet: “Justin nuk është tipi i burrit që kapet kollaj” dhe që nga ndarja me bashkëshorten, “shumë gra kanë tentuar të dalin me të.”
Duke parë këtë kakofoni zërash dhe deklaratash të kundërta, një gjë është e sigurt: ky “raport” do të vazhdojë të na mbajë të hutuar edhe për pak kohë.
