Macet janë kafshët më të dashura për disa individë, saqë janë në gjendje të harxhojnë shuma marramendëse për t’i blerë ato.
Por kush janë disa nga racat e maceve më të kushtueshme në botë? Ja një listë e tyre:
- Macja Peterbald – Kjo mace shitet mes shumës 1.000-5.000 dollarë. Kjo mace është raca e fundit e kafshëve të tilla pa qime dhe është shumë e kërkuar. Shuma të mëdha shpenzohen për kujdesin e tyre.
- Macja Persiane – Këto mace me qime mund t’ju kushtojnë mes 1000-6000 dollarë. Ato mund t’i gjeni me ngjyra të ndryshme qimesh dhe me madhësi të ndryshme.
- Macja Bengal – Tani kjo mace e egër ka tiparet e një qeni dhe është shumë e gjallë. Ajo mund t’ju kushtojë diku nga 1000-10.000 dollarë.
- Macja Savannah – Ky është një kombinim mes një mace shtëpiake dhe një mace të egër afrikane. ‘Savannah’ është pak më e madhe në formë kur krahasohet me macen ‘Bengal’ dhe ka një lëkurë që ngjan me atë të një leopardi. Kjo mace kushton diku midis 15,000-35.000 dollarë.
- Macja Ashera – Kjo është macja më e shtrenjtë në botë. Ajo ka një origjinë misterioze dhe kjo është ndoshta më e afërt me atë të një tigri. Raca ‘Ashera’ është në krye të renditjes së racave të maceve luksoze dhe me një çmim që varion mes 20,000 dollarë dhe 100,000 dollarë. Kjo racë është zhvilluar nga një “kompani e kafshëve luksoze” dhe tregtohet fuqishëm si më luksozja e tyre. ‘Ashera’ është në thelb një marifet marketingu, që nxirret në shitje me shumën më të lartë që do të ofrohet për të./revistawho.com
