Sipërmarrësi Timothy Sykes, i njohur në botën financiare si eksperti i aksioneve, ndan me publikun e gjerë këshillat e tij për t’u bërë një milioner. Historia e tij, është një histori suksesi, ndaj bëni mirë t’ia vini veshin.
“Rregullat e botës në të cilën jetojmë po ndryshojnë shpejt dhe mënyrat sesi mirëqenia krijohet po ndryshon edhe më shpejt. Ajo që është e dobishme sot nuk do të jetë e dobishme nesër. Është një frymë e re mirëqenieje dhe lajmi i mirë është, fusha e lojës nuk ka qenë kurrë më e sheshtë seç është tani dhe të gjithë mund të bëhen pjesë e lojës. Duhet që të thyen disa barriera të mentalitetit dhe duhet të ndryshohen disa besime të ngulitura thellë për mënyrën se si funksionon bota. Por unë e kam parë i pari se çdokush mund të bëhet një milioner në qoftëse përdor sakrificën e duhur, punën e palodhur dhe këmbënguljen.
Ja disa rregulla të reja sesi të bësh milionin e parë:
Mos kërko për një profesion apo një karrierë në korporatë
Kjo është këshilla më e mirë e mundshme që unë kam për këdo që do të bëhet milioner. Ka shumë njerëz që mendojnë se të jesh një doktor, apo një avokat, apo ekzekutiv koorporate është çelësi për t’u bërë milioner. Kjo nuk është e vërtetë. Shpesh herë këto fusha “tradicionale” kanë limitet e tyre te sasia e parave që fitojnë. Nëse doni të keni potencial të palimituar atëherë duhet të merrni parasysh disa nga variantet jotradicionale.
Ji mirënjohës ndaj fitimeve të vogla
Unë isha në gjendje të ktheja një sasi të vogël parash në miliona dollarë duke marr disa mijëra fitime si këmbim në çdo tregti të aksioneve. Kjo qasje, në vend që të përdorja forma të tjera, ishte çelësi i fitimeve të mëdhaja.
Testo strategji të ndryshme
Nuk ka asnjë mënyrë “të vulosur” për t‘u bërë milioner nëpërmjet tregtisë. Duhet të testosh strategji dhe hipoteza të ndryshme, më pas të gjesh strategjinë tënde për aq kohë sa ajo do të jetë e vlefshme. Kur një strategji funksionon, ti duhet të punosh që ajo të bëhet më e madhe. Kur një strategji nuk funksionon, ti duhet të jesh i gatshëm të heqësh dorë nga kjo strategji.
Përdor format e reja të teknologjisë
Në ditët e sotme të tregtisë online, teknologjia është mbreti. Kur fillova të merresha me tregti, interneti nuk përdorej aq shumë sa përdoret tani. Në 1999-2001, interneti ishte diçka e re, sidomos për kërkimet financiare. Unë e përdora fuqinë e internetit në atë kohë në avantazhin tim. Ka shumë teknologji, mjete, aplikacione dhe programe që mund të ndihmojnë për ta bërë tregtinë akoma dhe më të thjeshtë.
Përshtatu me mjedisin e tregut
Unë filova të merresha me tregti në vitet më të paqëndrueshme të tregtisë. Unë isha pak naiv, por më shumë isha në vendin e duhur në kohën e duhur. Unë i bëra milionat e mi të parë duke rritur bursën. Çelësi ishte të njiheshe me mjedis e tregut rreth e përqark”. / businessmag.al
