6 mënyra për të mbajtur një familje të bashkuar në periudhën e Krishtlindjeve

Sipas statistikave të nxjerra nga “Daily Mail”, janari është muaji me më shumë divorce. Por ekzistojnë disa mënyra për ta shmangur këtë. Më poshtë janë disa prej tyre:
1- Mos lejoni që xhelozia të marri kontrollin në periudhën e festave.
Nëqoftëse jeni xhelozë për partnerin tuaj mundohuni të gjeni kompromis për të gjitha gjërat që ju shqetësojnë. Për të dalat, për veshjen, kohën që duhet të shpenzojë me ju etj.
2- Ndajini rolet tuaja para Krishtlindjeve.
Zgjidhni rolet. Kryesisht kjo ndikon më shumë emocionalisht tek femrat pasi barrën më të madhe e mbajnë ato mbi supe. Nëqoftëse mendoni se partneri juaj nuk po bën mjaftueshëm atëherë zgjidheni këtë para 25 dhjetorit.
3- Menaxhoni pjesëtarët problematikë të familjes.
Diskutoni si do ta përballoni një të afërt problematik që do të jetë në tryezën tuaj të Krishtlindjeve. Flisni me personat e afërt të cilët mund t’ju ndihmojnë qoftë dhe me gjëra të vogla.
4- Merrni pak kohë për veten tuaj
Mos u frikësoni të merrni pak kohë dhe të bëni gjërat që ju dëshironi. Çiftet kalojnë shumë kohë bashkë dhe zakonisht debatojnë për probleme ndonjëherë edhe për javë të tëra. Merrni pak çaj të nxehtë dhe shijoheni vetëm me veten tuaj. Mos harroni doktori i vetes jeni ju.
5- Mos e teproni me buxhetin
Presioni financiar për familjarët është shumë i madh dhe shpeshherë del jashtë kontrollit. Njerëzit shpesh shpenzojnë shumë para këtë periudhë për dhurata, ushqime apo edhe për veten e tyre. Por pas festave ndodh qe të mos mbulojnë shpenzimet për ditët në vazhdim, kjo sjell shpesh debat në familje. Mjafton që të diskutoni dhe të bini dakord me familjarët tuaj dhe keni për të qenë më të qetë në muajt në vazhdim.
6- Menaxhoni pritshmëritë për fëmijët
Fëmijët janë ata që gëzojnë më shumë festat. Ata mezi presin “Babagjyshin” t’iu sjelli dhuratat dhe gjithmonë priren drejt dhuratave të shtrenjta. Më e mira që mund të bëni është t’i tregoni fëmijës për dhuratën që mund të marri për të mos u zhgënjyer më vonë dhe t’iu shkatërrojë festat.