6 anëtarë të stafit që xhironin filmin “Gladiator 2” në Marok janë plagosur gjatë një aksidenti në xhirime. Sipas kompanisë së prodhimit të filmit “Paramount Pictures”, ndodhën gjatë realizimit të një skene të planifikuar akrobatike.
“The Sun” raportoi se kishte pasur një shpërthim dhe 6 persona shkuan në spital, por asnjë pjesëtar i kastit nuk u lëndua.
“Ishte e tmerrshme, një top i madh zjarri fluturoi lart dhe kapi disa anëtarë të ekipit. Gjatë viteve të xhirimeve nuk kam parë kurrë një aksident kaq të frikshëm. Të gjithë të përfshirët janë tronditur nga kjo,” citoi burimi.
Sir Ridley Scott, i cili drejtoi filmin origjinal të dramës historike të vitit 2000, është rikthyer për të drejtuar pjesën e dytë, që është planifikuar të dalë në Nëntor 2024.
