Mjekët kinezë e quajnë fytyrën ‘pasqyrë e shëndetit’, duke qenë se lëkura reagon ndjeshëm ndaj çdo keqfunksionimi dhe ndryshimi në trup, duke na dërguar për shembull sinjale në formën e puçrrave.
Bright Side ka zbuluar disa nga problemet në organizëm që paralajmërojnë puçrrat në fytyrë.
Ballë dhe vetulla
Puçrrat në ballë ose sipër vetullave shumicën e rasteve tregojnë për probleme të caktuara gastrointestinale.
- Përpiquni ta rregulloni këtë situatë duke eliminuar ushqimet e skuqura dhe ato me shumë yndyrë nga dieta, si dhe duke e konsumuar alkoolin në sasi të moderuar.
Hundë
Puçrrat në hundë paralajmërojnë për probleme në sistemin kardiovaskular, të cilat kanë si shkaktar kryesor stresin.
- Përpiquni të bëni një mënyrë jetese më aktive, relaksohuni dhe bëni një gjumë të rehatshëm.
Vesh
Sipas mjekëve kinezë, lëkura në vesh është e lidhur ngushtë me mënyrën e funksionimit të veshkave dhe sistemit urinar.
- Nëse keni puçrra në vesh, ju duhet të limitoni fillimit konsumin e kripës dhe kafes, dhe filloni të pini më shumë ujë.
Mollëzat e faqeve
Mollëzat e faqeve dhe pjesa e sipërme e tyre reflektojnë funksionin e mushkërive dhe bronket. Puçrrat e shfaqura këtu mund të tregojnë për probleme me sistemin respirator. Alergjitë mund të jenë gjithashtu një arsye e shfaqjes së tyre.
Ndërsa puçrrat në pjesën e poshtme të faqeve mund të tregojnë me probleme dentare.
- Kushtojini vëmendje sistemin respirator. Mbi të gjitha, ecni më shumë, merrni ajër të pastër, hiqni dorë nga duhani dhe shmangni çdo ambient ku pihet duhani.
- Tregoni kujdes me higjienën orale. Provoni të konsumoni më pak ëmbëlsira dhe shmangni pijet e gazuara.
Buza
Problemet dermatologjike përreth gojës mund të na sinjalizojnë për ndonjë problem me sistemin tretës.
- Përpiquni të shmangni ushqimet e shpejta. Përfshini në dietë sa më shumë ushqime të pasura në fibra, si fruta dhe perime.
Mjekër
Puçrrat në këtë pjesë të fytyrës sinjalizojnë më shumë ardhjen e ciklit menstrual. Por, mund të jenë shenjë edhe e ndonjë çrregullimi hormonal apo problemi me sistemin riprodhues.
- Nëse puçrrat në mjekër hiqen shpejt, nuk është gjë për t’u shqetësuar. Në rast të kundërt, duhet të konsultoheni me një mjek./Shendeti
