Gjithçka që ndodh në jetën e Rihanna-s është në fokusin e të gjithëve, e ndërsa shumë nga sekretet e saj janë zbuluar me kohën, ka edhe shumë të tjera që mediat ndërkombëtare rozë i kanë zbuluar me vështirësi, e disa prej tyre janë ende të pakonfirmuara.
Si për shembull romanca e saj e hershme me Jay Z gjatë kohës që reperi ishte i martuar me Beyonce Knowles, apo marrëdhënia e saj shumë e komentuar me Leonardo Di Caprio-n, të cilin thuhet se Rihanna e ka përshkruar si të dashurin më të mirë që ka pasur ndonjëherë. Por, të tjera detaje interesante për këngëtaren ndoshta nuk i keni dëgjuar më parë dhe do t’i zbulojmë bashkë në vazhdim.
Emri i saj i vërtetë është Robin Rihanna Fenti dhe në fëmijëri askush nuk e ka quajtur Rihanna.
Më 1 shkurt të vitit 2008, Barbadosi ka vendosur që të shpall si ditën nacionale të Rihanna-s, për nder të këngëtares së famshme.
Rihanna i ka siguruar këmbët e saj për një milion dollarë, pasi siç ka thënë ajo, këmbët janë arma e saj më e fortë.
Me siguri se nuk e dini se ajo nuk e pëlqen ushqimin me erëza dhe as perimet. Rihanna insiston se jeton vetëm duke ngrënë fruta të ndryshme.
Është interesant fakti që shkencëtarët thonë se dhimbjet pas operacionit durohen shumë më lehtë duke dëgjuar këngët e Rihannas.
Në trupin e këngëtares gjenden 20 tatuazhe dhe Rihanna nuk planifikon të ndalet në këtë drejtim.
Gjatë adoleshencës Rihanna ka qenë një vajzë e vrazhdë dhe shpesh i thonin se është mashkullore.
