Është normale që njerëzit të kenë ftohtë në dimër, por nëse nuk mund të ngroheni edhe kur keni veshur disa shtresa rrobash ose kur jeni në një dhomë të ngrohtë, arsyeja mund të fshihet në trupin tuaj dhe më tej ju listojmë 8 prej tyre…
Pesha e pamjaftueshme
Nëse nuk ka harmoni mes gjatësisë dhe peshës, shpesh mund të shfaqet një ndjenjë e të ftohtit, sepse trupit i mungojnë yndyrat që ngrohin trupin ose metabolizmi ngadalësohet për shkak të marrjes së pakët të ushqimit. Simptomat shoqëruese janë: marramendje, lodhje, ndjenjë dobësie, cikli i parregullt te gratë.
Dehidratim
Nëse keni provuar gjithçka për t’u ngrohur, por rezultatet mungojnë, atëherë mund të jetë marrja e pamjaftueshme e lëngjeve. Njerëzit që nuk pinë mjaftueshëm nga këto lëngje mund të jenë më të ndjeshëm ndaj temperaturave të ulëta.
Pagjumësia
Gjumi i pamjaftueshëm ose gjumi i dobët mund të krijojë vështirësi në funksionimin e trurit dhe më tej metabolizëm të dëmtuar.
Mungesa e vitaminës B12
Nëse keni mungesë të kësaj vitamine, mund të keni anemi, jo vetëm një ndjenjë të ftohtësisë. Shpesh ka ndjesi shpimi gjilpërash në krahë, këmbë, gjuhë të ënjtur, probleme të ekuilibrit dhe memorie të dobët.
Mungesa e hekurit
Ky është një tjetër shkak i mundshëm, sepse hekuri mbështet punën e qelizave të kuqe të gjakut dhe rrjedhjen e oksigjenit nëpër trup. Përveç kësaj, mund të ketë një problem me gjëndrën tiroide. Treguesit e anemisë janë gjithashtu: çehre e zbehtë, thonjtë e brishtë, përqendrimi i dobët, fryma e cekët.
Qarkullim i dobët
Nëse duart ose këmbët tuaja janë të ftohta, por jo në pjesë të tjera të trupit, mund të jetë koha për të kërkuar ndihmë profesionale ose të lini duhanin.
Mungesa e masës muskulore
Nëse jeni konsultuar me një mjek dhe rezultatet kanë treguar se nuk keni asnjë problem shëndetësor, mund të jetë mirë të mendoni në këtë drejtim. Nëse muskujt tuaj janë të dobët, ju jeni gjithashtu të prirur ndaj ftohjes dhe metabolizmi juaj është më i ngadalshëm.
Hipotireoza
Në këtë rast, gjëndra tiroide nuk sekreton mjaftueshëm hormone, kështu që metabolizmi ngadalësohet dhe trupi nuk nxehet siç duhet. Nëse keni vënë re se flokët po ju bien, se lëkura juaj është e thatë, se po shtoni peshë për një arsye të pashpjegueshme, se periodat tuaja janë më të gjata dhe më të dhimbshme, është koha të vizitoni një mjek./revistawho.com
