Ministri i Brendshëm, Saimir Tahiri dha dorëheqjen sot pas një takimi me Edi Ramën në ambientet e kryeministrisë. Kjo lëvizje e sforcuar shihet si një tentativë e kryeministrit Rama për të ulur tensionet politike në vend pas protestës së opozitës dhe pakënaqësisë së aleatit kryesor, LSI-së ndaj punës së ministrit.
Pas dorëheqjes, Saimir Tahiri ka drekuar (shih foton) me disa nga drejtuesit kryesorë të policisë së Shtetit, Haki Çako dhe Ervin Hodaj. Në drekë ishin gjithashtu krerët e qarqeve të policisë së Shtetit.
Tahiri ka qenë në qendër të akuzave të opozitës si përgjegjës për kanabizimin e vendit, por gjithashtu edhe të aleatit kryesor të PS-së, LSI-së. Ky largim mund të pasojë me një rikompozim të plotë të kabinetit, gjë për të cilën kryeministri Rama fill pas kthimit nga Berlini është duke biseduar me aktorët dhe faktorët politikë në vend. GSH.al sjell foto të drekës.
