Zbardhet dinamika e incidentit, si u parandalua vrasja e mikut të Luana Vjollcës

Bukuroshja e ekranit, Luana Vjollca, prej kohësh ka përjetuar shqetësime nga përndjekja e një fansi të çmendur pas saj. Dje ai e ka ndaluar moderatoren, duke u përfshirë kështu në konflikt me të dashurin e saj, Krenar Çoçaj. BalkanWeb ka sqaruar se si ka rrjedhur ngjarja. Luana ka qenë duke ecur me makinën e saj në rrugën Teodor Keko. Mbrapa saj ka qenë duke ecur Çoçaj. Kur moderatorja ka ndaluar në semafor, fansi i ‘çmendur’, Besmir Lila, i ka bllokuar rrugën dhe i ka kërkuar të hapë xhamin. Ndërkohë i dashuri i Luanës, që ndodhej pas saj, nuk ka duruar më dhe ka zbritur nga makina. Ai i ka thënë mos ta shqetësonte më, pasi kishte dijeni, për të gjitha herët që e ka përndjekur. Aty ka nisur një konflikt fizik mes palëve, duke bërë që Lila të nxjerrë dhe armën. Në sherr është përsfshirë dhe Luana, e cila ka tentuar t’i ndajë, pas ardhjes së forcave të policisë. Fatmirësisht çdo gjë ka kaluar pa pasoja të rënda. Besmir Lila tashmë pret vendimin nën akuzën “përndjekje dhe armëmbajtje pa leje”, ndërsa Çoçaj është liruar.