Modelja e njohur, Dorina Gegiçi është padyshim një prej femrave më të bukura shqiptare. Një bukuri tipike mesdhetare që po korr sukses brenda dhe jashtë vendit. Pak orë më parë, një nga faqet më të njohura në “Instagram” e quajtur “Chique le Frique”, ka publikuar foton e Dorinës të shoqëruar me mbishkrimin: “Bukuroshe”. Faqja numëron rreth 3 milionë ndjekës, ku midis tyre modelja e njohur ka arritur të tërheqë vëmendjen e Belen Rodriguez. Show-girl nga Argjentina ka një famë që kalon përtej kufijve të Italisë në sajë të sharmit dhe bukurisë që zotëron. Nuk është një ëndërr, është realiteti për Dorinën, e cila po shënon një hap të rëndësishëm në karrierën e saj. Ajo shpesh është pjesë e sesioneve të ndryshme fotografike brenda dhe jashtë vendit, por një “pëlqim” kaq haptazi nga Belen mund të tregojë projekte të ardhshme ndërkombëtare për të. Fundja një bukuri si Dorina Gegiçi, nuk mund të kalojë pa u vënë re.
