Tirana sot pa drita, këto janë zonat ku do të ketë ndërprerje të energjisë elektrike

Disa lagje të kryeqytetit do të jenë sot pa drita për shkak të punimeve që po bëhen në rrjet. OSHEE bën me dije se zonat të cilat do të kenë ndërprerje të energjisë janë: Pjesërisht rruga ‘Sami Frashëri” nga ora 09.00-14.00. Një pjesë e “Rrugës së Elbasanit” nga ora 09:00-11.00.
Kufizime të energjisë do të ketë edhe në disa fshatra: Konkretisht zonat të cilat do të jenë pa energji nga ora 09:30 deri në 13:00 janë fshati Rinas dhe rrethinat Gjec Fushë dhe Nikel.
Në të njëjtin orar zonat që do të mbesin pa energji janë Laknasi dhe një pjesë e zonës së Domjes.