Listës së këngëtarëve të cilët do të performojnë në koncertin madhështor, me rastin e Pavarësisë së Kosovës, i shtohet edhe një tjetër artiste shqiptare. Bëhet fjalë për këngëtaren e mirënjohur Soni Malaj. Këngëtarja zotëron në repertorin e saj disa këngë hit, të cilat do të na i rikujtojë nëpërmjet performancës se saj në këtë koncert. Vetë këngëtarja e bëri të ditur këtë lajm, duke treguar se po përgatitet bashkë me një grup të afirmuar balerinësh.
