Madhura Naik, e njohur si Shital në serialin ‘Si ta quaj këtë dashuri’ dhe ish-partneri i saj, Karan Kundra kanë qenë një nga çiftet me te komentuar në “Bollywood”. Por vetëm para disa muajsh lajmet për ndarjen e tyre tërhoqën vëmendjen e shumë fansave. Duket se çifti ka rimarrë serish vëmendjen e mediave, pasi sipas burimeve të afërta Madhura është e mërzitur pasi miqtë e përbashkët nuk i flasin më aktores. Pasi ky lajm bëri xhiron nëpër media Karan, në një intervistë ka treguar të vërtetat sipas tij lidhur me situatën jo të këndshme. “Kemi miq të përbashkët dhe mbaj lidhje me ta. Nëse disa prej tyre preferojnë miqësinë time se sa miqësinë e saj, atëherë kjo është zgjedhja e tyre jo vendimi im. Mendoj se është një sjellje shumë fëmijërore që ajo të përhapë fjalë të tilla,”- ka treguar aktori, duke shprehur kështu se Madhura është njeri shumë i pasigurt. /revistawho.com
