Të shikosh modelen Gisele Bundchen pa ‘make-up’ nuk është diçka e re. Por si është të shikosh Gisele Bundchen në shtëpinë e saj, veshur me një pulovër dhe me pantoflat ‘Looney Tunes’? Supermodelja rrallë vendos shumë ‘make-up’ në fytyrë dhe kjo gjë vihet re edhe në fotot e ‘Instagram’-it që tregojnë përditshmërinë e saj. Por këtë gjë ajo ka vendosur ta sjellë edhe në një set të ri fotografik. Në një kopertinën e re të revistës ‘Vogue’, Bundchen mirëpret fotografin në shtëpinë e saj në Boston, duke treguar disa foto të vjetra dhe mënyrën e jetesës me bashkëshortin Tom Brady dhe fëmijët e tyre. Kjo ishte hera e parë që modelja hapi dyert e shtëpisë së saj për publikun. “ Të dielën herët në mëngjes në shtëpi pa flokë të rregulluar, pa ‘make-up’ ” shkruajti modelja në ‘Instagram’ ku zbuloi disa nga fotot e kopertinës së ‘Vogue’. Kjo ishte hera e parë që një modele nuk pati një stilist për të zgjedhur veshjet e saj për kopertinën. Gisele zgjodhi stilin e saj ‘Gucci’, sepse me eksperiencën disa vjeçare në modeling ajo e di shumë mirë se çfarë duhet të vesh dhe çfarë jo.
