Ditën e djeshme lajmi i hidhur i ndarjes nga jeta të Ermal Laze, i cili ishte punonjës i Teatrit Kombëtar, i trishtoi të gjithë artistët që punonin me të. Shumë të afërt, miq dhe kolegë ndanë me miqtë e tyre në rrjetet sociale, ngushëllimet dhe vlerësime për mikun e tyre i cili u nda nga jeta në moshë fare të re. Ndër ta ishte edhe aktori Gentian Zenelaj i cili tregoi për punën e palodhur të Ermalit i cili nuk arriti t’i shpëtojë sulmit të papritur të ‘Ishemisë’.
“Pas çdo shfaqje të suksesshme…pas çdo duartrokitje të zjarrtë pas çdo shkëlqimi projektorësh qëndrojnë disa njerëz pa fjalë….njerëz që punojnë me përkushtim çdo ditë…njerëz që nuk e kalojnë kurrë fondalin por të qeshur nga xhepat e skenës marrin krenari nga suksesi i shfaqjes ndërsa ne aktorët përkulemi përpara publikut…dhe pjese dhe meritë të padiskutueshme në këtë sukses kanë edhe ata….por një nga ata sot nuk ështē më. Qofsh i parajsës Ermal.. na trishtove të gjithëve Ermal.. sa trishtim që kur të hedh sytë në të djathtë të skenës s’do jetë më silueta jote aty. I buzëqeshur si gjithmonë”, shkruan Zenelaj. /revistawho.com
