Dj Blunt dhe reperi Ledri kanë bashkëpunuar në këngën “Nëse m’don ti”, e cila ka qenë një nga këngët më të dëgjuara të vitit 2014. Por duket se pas këtij bashkëpunimi gjërat mes dy këngëtarëve nuk janë po njësoj. Nëpërmjet disa videove të postuara në ‘Instastory’ Dj Blunt ka treguar gjithë sekretet e bashkëpunimit me Ledrin duke e sharë atë.
“Ju e dini se unë dhe Real1 ishim duke bërë gati këngën ‘Nëse m’don ti’ por pasi Ledri na kërkoi të bënte ‘remix’ me të unë dhe Real1 vendosëm të ndalonim klipin dhe këngën për të shkuar të bënim ‘remix’ me Ledrin sepse e kemi respektuar si shok si koleg dhe në të gjitha drejtimet. Por ti Ledri një ku***. E di pse? Sepse ti na kërkove ne të bënim ‘remix-in’, ndërkohë që na the që shokëve të tu të mos ju tregonim për këtë, sepse ata mund të mërziten me ty. Kur ke ardhur tek ne ti i ke sharë të gjithë shokët e tu, unë ju njoh dhe ti bashkë me shokët e tu jeni si gratë e këqija që shaheni me njëri-tjetrin. Ne jemi mërzitur me ty sepse kemi pritur të na respektosh ashtu si të kemi respektuar ne, pasi të kemi dhënë një këngë që ti nuk ke për të pasur kurrë një tjetër si ajo. Ne ishim ata që të rikthyem fuqishëm në skenë pas problemeve të tua”- ka përfunduar reperi lidhur me Ledrin.
Por videot kanë vazhduar dhe këtë herë ai ka folur për reperin Gjiko të cilin e akuzon se është ‘fake’.
“Tani po flas për Gjikon ai i cili ka punuar si kamerier dhe pas një viti doli duke bërë këngë më ‘Lambo’, por ti je ‘fake’ sepse makinat që merr i ke me qira përfshirë edhe shtëpinë, të gjitha i ke me qira. Për të folur lidhur me ‘papuçet Gucci’ që i ke blerë në Pazar për t’ju shitur njerëzve mënd. Unë dhe real 1 kemi për të ta rrëzuar karrierën”.
Pas këtyre fjalëve fyese ka ardhur edhe reagimi i Gjikos, i cili i ka shkuar ‘Blunt-it’ tek shtëpia e tij së bashku me ‘Papuçen Gucci’duke pretenduar ta godasë me atë. Por nga videot duket qartë se Blunt nuk i ka hapur derën duke mos pranuar të sqarohen. /revistawho.com
