Debati mes reperve Dj Blunt dhe Real 1 dhe atyre të labelit Red Box vazhdon ende. Por këtë herë është përfshirë edhe menaxheri i njohur Faton Shoshi. Dj Blunt dhe Real 1 e akuzuan menaxherin se ka lënë shumë artistë “pa bukë” dhe i thanë të takoheshin në Prishtinë. Megjithatë Faton Shoshi vendosi të shkonte i pari në shtëpitë e reperve që të përballeshin me njëri-tjetrin. Ai ka postuar disa video në ‘Instagram’ ku shihet përpara dyerve të shtëpisë së Blunt dhe Real, por edhe pse ka trokitur askush nuk përgjigjet.
Kujtojmë se e gjithë kjo situatë ka ardhur pas akuzave të njëpasnjëshme të Dj Blunt se nuk është respektuar nga Ledri Vula e Gjiko dhe për mosmarrëveshje për koncertet. /revistawho.com
