E lindur në Shqipëri por e rritur në Greqi ku krijoi një karrierë të sukseshme, Eleni Foureira tani po ndeshet me reagimet dhe komentet deri raciste të një pjese të opinionit, që është kundër përfaqësimit të Qipros në ‘Eurovision’ me një këngëtare shqiptare. Ditën e djeshme në televizionin Publik të Qipros, ka dalë një video promo e emisionit ‘Tet a tet’, ku e ftuar është këngëtarja Eleni Fureira, e cila tregon lidhur me paragjykimet më të cilat po përballet.
“Është e turpshme të dëgjosh nga një i ri të thotë a, je nga Shqipëria, atëherë me Shqipërinë të shkosh në “Eurovizion”. Shkon në një shtëpi diskografike dhe nuk të pranojnë sepse je nga Shqipëria. Thua me veten, a është e mundur? Nuk e bëj dot ëndrrën time realitet sepse jam nga Shqipëria? Duhet të tregoj se ishin drejtuesit artistikë në Qipro që më propozuan pjesëmarrjen”. /revistawho.com
