Nga Lorena Resulaj/
Prej shumë vitesh tashmë, femrat kanë arritur të jenë plotësisht të pavarura, për shkak të rritjes në çdo aspekt dhe sidomos në atë profesional. Kohë më parë nuk mund të mendohej kurrsesi një femër në pozicionin e një drejtuesje, një biznesmeneje apo të shumë profesioneve të tjera që cilësoheshin kryesisht si profesione mashkullore. Paralelisht me këtë gjë ecte dhe kodi i të veshurit. Një femër që të tregonte se ishte një zonje e vërtetë duhej të vishej me fustane apo funde në zyrë ose punë. Por këto kohë kanë kaluar, çdo “barrierë” është kapërcyer dhe tashmë një femër mund të duket po njëlloj e veshur me një kostum zyrtar meshkujsh.
Për të sjellë pikërisht këtë frymë emancipimi edhe në Shqipëri, të njëjtën gjë kanë bërë edhe një pjesë e madhe e femrave të showbiz-it shqiptar. Të veshura me kostume burrash, por në to duket fare qartë feminiliteti.
Luana Vjollca
Me një ngjyrë tipike femërore, por Luana në këtë fotografi me anë të qëndrimit ka treguar qartë se çdo të thotë të jesh një femër krenare.
Alketa Vejsiu
Moderatorja e njohur herë pas here në emisionet që drejton është munduar që të jap edhe mesazhe për fuqizimin e femrave në shoqëri.
Nevina Shtylla dhe Arjola Shehu
Dy moderatoret bukuroshe u komentuan gjerë e gjatë për shfaqjen e tyre me kostum meshkujsh në “Kënga Magjike”. Megjithatë ato treguan se femrat dinë t’ja dalin mbanë shumë mirë në çdo fushë.
Kida
Edhe pse këngëtare e re në moshë, me një kostum meshkujsh, Kida ka treguar se një femër mund të duket shumë bukur edhe në këtë stil.
Vera Grabocka
Vera njihet pë stilin e saj të xhaketave dhe ajo ka thyer çdo rregull, duke i thënë me të madhe shoqërisë se një femër është e aftë të jetë një drejtuese e zonja në çdo kohë e në çdo moshë.
Eneda Tarifa
Vite më parë si prezantuese e “Portokalli” edhe Eneda tregoi se femrat janë të afta në shumë dimensione.
Juliana Pasha
Zëri i saj potent shkon përshtat me këtë veshje. /revistawho.com
