Revista prestigjoze “People” e ka kthyer në traditë që në muajin prill të çdo viti të shpallë femrën më të bukur në botë për vitin 2018-të. Ajo e cila ka mundur të mbajë fronin për këtë vit është këngëtarja e hit-eve “Try”, “Just Give me a reason”, “What about us” e shumë të tjera, Pink. E ftuar në emisionin e Ellen DeGeneres këngëtarja është shprehur se u shpall femra më e bukur në botë për shkak të humorit dhe personalitetit të drejtpërdrejtë që e karakterizon.
Në kopertinën e revistës dedikuar asaj, ajo shfaqet së bashku me dy fëmijët e saj, Willow dhe James dhe tregon se si po përpiqet të rrisë dy fëmijë të fortë në një botë kaq të ashpër. /revistawho.com
