“The Voice Kids” përfundoi javën e kaluar, por ditën e djeshme u bë një ‘Epilog’ që përmblodhi të gjitha prapaskenat dhe momentet më të veçantë, me protagonistët e spektaklit. Ledion Liço foli më hapur se kurrë teksa tregoi që i kishte thënë ‘jo’ propozimit për të bërë pjesë të jurisë dy këngëtarët Aleksandër dhe Renis Gjoka.
“Aleksandri dhe Renisi nuk kanë qenë zgjedhja jonë e parë. Propozimin për ta e bëri Alban Male dhe sapo ma propozoi, unë thashë menjëherë ‘Jo’! Sandër Gjoka nuk ka bërë asnjëherë televizion, kështu që ishte e kuptueshme. Në këtë pozicion duhet të ishte një njeri që di të bëjë televizion. Renisi ishte më afër, por gjithsesi jashtë këtij raporti”, -ka shpjeguar ai. Më vonë pas takimit me ta çdo gjë ishte vendosur, pasi dy këngëtarët u kthyen në pikat e forta të spektaklit./revistawho.com
