Në 15 tetor të 2011-ës, gazetarja Rudina Xhunga dhe publicisti i njohur, Dritan Hila, kurorëzuan me martesë lidhjen e tyre. Në atë kohë ceremonia martesore ishte shumë private dhe çifti shumë pak kanë folur në publik për martesën dhe jetën e tyre bashkëshortore.
Ditën e sotme ata ishin të ftuar në emisionin ‘Rudina’ dhe treguan për herë të parë si janë njohur me njëri-tjetrin. Në rrëfimin e tij Dritani tha se në fillim e kishte ftuar Xhunga në emisionin e saj dhe në fakt ai takim kishte qenë disi i çuditshëm, “Rudina më mendonte se isha 60 vjeç unë. Po kur më pa më tha: ‘Pse ti qenke Dritani’”.
Pas këtij takimi të parë, kishin pasur dhe disa raste të tjera të takoheshin me njëri-tjetrin dhe pas pak kohësh, Dritani kishte rënë në dashuri me Rudinën. “I propozova një libër për të lexuar. Pastaj nuk u takuam më dhe hodha hapin për të pirë një kafe me të. Vazhduam të takoheshim deri sa i propozova një ditë poshtë shtëpisë së saj. Pasi i propozova Rudina më tha: ‘jam pak si dhi e egër unë kështu që do mendohem’”, – rrëfeu Dritani. Më pas ai tregoi se Rudinën e kishte prezantuar edhe tek nëna e tij, sepse e kishte ndarë mendjen se do të martohej me të. /revistawho.com
