Pak javë më parë në televizionin ‘Klan’ ka nisur transmetimi i serialit ‘Dashuri Bardh e Zi’. Në fare pak kohë ky serial ka tërhequr menjëherë vëmendjen e audiencës për shkak të tematikës së veçantë që trajton. Në qendër të tij janë dy personazhet, Asli dhe Ferhat. Asli punon si doktoreshë, ndërsa Ferhat punon si vrasës me pagesë dhe rastësia i bën bashkë të dy. Dashuria e tyre është bardh e zi, sepse dhe vetë ata janë shumë të kundërt nga njëri-tjetri.
Megjithatë jashtë rolit të tyre në serial, duket se dy aktorët kanë një miqësi shumë të ngushtë me njëri-tjetrin. Në rrjetet sociale të tyre vihet re se të dy publikojnë vazhdimisht fotografi nga sheshi xhirimit apo dhe jashtë tij. Madje kur postojnë fotografi nga filmi shkruajnë se kalojnë shumë bukur me njëri-tjetrin. Në fakt këto fotografi bien menjëherë në sy, sepse ndodh shumë rrallë që dy aktorë të një filmi të kenë kaq miqësi të ngushtë me njëri-tjetrin. /revistawho.com
