Të gjitha nuset përpara dasmës përjetojnë emocione të forta. Aq më tepër kur do të shihet nga miliarda njerëz në mbarë botën. Duket se Meghan Markle, pak ditë përpara dasmës po përballet me një stres shumë të madh. Përveçse duhet të mendojë për paraqitjen e saj, tashmë një problem familjar po e shqetëson akoma dhe më shumë. Babai i saj ka probleme me zemrën dhe doktorët e kanë rekomanduar se nuk duhet të përjetojë emocione të forta. Për këtë arsye ai ka vendosur që të mos e shoqërojë vajzën e tij në altar dhe këtë gjë ja ka lënë si detyrë mamasë së Meghan.
Kjo e ka mërzitur shumë princeshën e ardhshme, por sipas burimeve të afërta pranë saj thuhet se ajo po mundohet ta kalojë sa më lehtë, sepse nuk dëshiron që t’i prishet dita e saj më e rëndësishme në jetë. Madje dhe vetë princi Harry ndihet “i shkatërruar”, që babai i bashkëshortes së tij nuk do të jetë i pranishëm në dasmën e tyre. /revistawho.com
