Nëse ka një personazh televiziv që di si ta meritojë vëmendjen është Bleona Qereti. E njohim të gjithë si një këngëtare dhe performuese shumë të talentuar. Edhe pse prej vitesh është larguar nga Shqipëria për në Amerikë, vazhdon të mbetet e pranishme edhe këtu. U nis drejt SHBA-së me ëndrrën për të prekur famën ndërkombëtare dhe po punon shumë fort për të arritur majën. Bleona është e vetmja shqiptare që ka shkelur tapetin e kuq në ndarjet e çmimeve dhe në eventet më të rëndësishme në botë.
Gjithmonë e guximshme dhe me stil, që prej 2013 kur u shfaq për herë të parë në tapetin e kuq të Grammys, të gjithë mbajnë frymën duke pritur daljen e saj të radhës.
Disa nga veshjet e saj janë gjykuar për zbulim të tepruar, pavarësisht se Bleona kurrë nuk është dorëzuar para fjalëve dhe ka ditur ta justifikojë mjaft mirë çdo dalje publike. Evoluimi i stilit dhe i veshjeve të këngëtares ndër vite është mjaft i veçantë, po aq sa edhe paraqitja e fundit e saj në AMFAR Awards 2018./revistawho.com
