Seriali “Bixhoz me dashurinë” vazhdon xhirimet e tij në Indi dhe këtë javë u bënë plot 2 vite që ai transmetohet në Indi. Të gjithë aktorët kanë shprehur mirënjohjen dhe kanë falenderuar teleshikuesit që i kanë ndjekur për këto dy vite. Por një intervistë të veçantë kanë dhënë dy aktorët e preferuar i publikut, Surbi Çanda e njohur si Anika dhe Nakul Meta i njohur si Shivai.
Dy aktorët janë shprehur se shpesh marrin kritika nga fansat si për shembull “Pse nuk i bashkoni Shivain dhe Anikën”, por kjo gjë u pëlqen atyre sepse tregon që seriali ndiqet. “Nuk mendoj se ndonjëri nga ne e ka pritur që të kishim kaq shumë mbështetje. Mendoj se kjo është fenomenale. Ndonjëherë teleshikuesit na kritikojnë, bëhen emocional por unë e pëlqej këtë sepse ndjej që ata janë të lidhur pas serialit”-është shprehur Nakul Meta.
Ndërsa Surbi u ankua paksa duke u shprehur se Nakul kërkon shpesh të bëjë pushime. Aktori u justifikua dhe tha se pushimet i japin energji që të rikthehet në punë./revistawho.com
