E mbajmë mend gjithmonë elegante dhe me linjat perfekte. Pavarësisht se është nënë e dy fëmijëve, këngëtarja Ledina Çelo vazhdon të ketë një fizik për t’u pasur zili edhe nga adoleshentet. Por edhe Ledina ka pasur momentet kur ka shtuar në peshë, dhe i ka lejuar vetes të marrë disa kilogramë pikërisht në kohën kur ka përjetuar shtatzënitë e saj. E ftuar në emisionin më të ri veror “Pushime on Top’, Ledina ka treguar se gjatë shtatzënisë ka shtuar rreth 20 kilogramë.
‘Kur ngela shtatzënë vendosa ta shijoja atë periudhë dhe thash le të shëndoshem, le të vendos celulit dhe shtova rreth 20 kilogram. Por unë jam shumë strikte me ushqimin, fanatike e sportit, bëj vazhdimisht vrap dhe i hoqa shumë shpejt’- ka treguar këngëtarja. Krahas këtyre detajeve Ledina ka treguar se shumë shpejt do të rikthehet në muzikë me projekte të reja, ndërkohë që ka treguar edhe për sipërmarrjen e saj në biznes. Së shpejti ajo do të hap një sallon bukurie në Gjermani./revistawho.com
