Kanë qenë një nga çiftet më të komentuar të showbizit që nga fillimi i lidhjes së tyre. Modelja e njohur Bella Hadid dhe The Weeknd u ribashkuan pas ndarjes së këngëtarit nga Selena Gomez. Ribashkimet e çifteve të njohur i kanë surprizuar shumë fansat gjatë këtij viti, pavarësisht se askush nuk e ka pranuar që në fillim.
Modelja dhe këngëtari fituan gjithë vëmendjen mediatike kur u fotografuan duke u puthur në festivalin e Cannës. Që prej asaj kohe u treguan shumë të kujdesshëm që të mos fotografoheshin më nga paparacët. Por sot është vetë Bella e cila zyrtarizon çdo gjë. Me anë të disa ‘InstaStory’ ajo ka zbuluar se është së bashku me The Weeknd në Tokyo duke xhiruar klipin e ri muzikor. Në videon që ka në qendër këngëtarin ajo shkruan: “Musa ime përgjithmonë”.
Tashmë nuk ka vend për dyshime, ata janë sërish bashkë./revistawho.com
