Ndoshta shumë prej nesh e kanë harruar si ka qenë dita e parë e shkollës, por të gjithë i dimë emocionet e një fëmije kur shkel në dyert e saj. Por jo vetëm fëmijët pasi një përgjegjësi e madhe qëndron mbi supe edhe për prindërit e tyre. Këtë e tregon edhe Rudina Xhunga nëpërmjet një postimi të bërë në ‘Instagram’. Gazetarja shkruan se vogëlushja e saj, Alana, ditën e hënë do të shkojë në klasën e parë dhe atë e ka kapur stresi që tani.
“Pitilushja shkon të hënën në klasë të parë dhe ne të dyja jemi në ankth”,- shkruan Rudina.
Për t’i ardhur në ndihmë, kushëriri i saj i cili jeton jashtë Shqipërisë i ka dërguar një video me disa këshilla mjaft të vlefshme.
“Jep më të mirën në shkollë, përpiqu t’i bësh të gjitha dhe do të vlerësohesh për çdo përpjekje. Mos u dorëzo përpara problemeve dhe çoji deri në fund. Nëse has vështirësi kërkoji ndihmë mësueses”,- i thotë Johani.
Redaksia e ‘Who’ i uron Alanës dhe gjithë fëmijëve suksese në këtë vit të ri shkollor./revistawho.com
https://www.instagram.com/p/BnLbKeqBQL_/?taken-by=rudinaxhunga
