Xhensila Myrtezaj ditën e djeshme i ktheu të gjithë pas në kohë teksa kujtoi ditën e dasmës së saj. Këngëtarja kishte ruajtur disa foto nga viti i kaluar për t’i ndarë me të gjithë në përvjetorin e parë si e martuar. 1 shtatori përveçse shënoi 1-vjetorin e martesës për Besin dhe Xhensilën, i gjeti më të lumtur se kurrë si prindër të Ajkës që erdhi në jetë 2 muaj më parë.
Mbrëmjen e kaluar ata ishin të ftuar në dasmën e të afërmve të Besit ku Xhensila nuk nguroi të këndonte për çiftin dhe të ftuarit.
Kjo është performanca e parë e saj pas lindjes së vajzës, pavarësisht se nuk ishte para një publiku të madh. Dy këngëtarët e kanë bërë ditën e djeshme të veçantë për dy të dashuruarit të cilët kanë kërcyer në ritmet e ‘Çelësi i zemrës’ dhe ‘Skifterja e zemrës’./revistawho.com
