Këngëtari i njohur Robbie Williams është bërë sërish baba. Nëpërmjet një postimi në ‘Instagram’ bashkëshortja e tij, Ayda Field ka dhënë lajmin e bukur, i cili i ka habitur të gjithë. Askush nuk e dinte që këngëtari do të bëhej baba pasi dyshja kishin vendosur ta mbanin sekret. Në postimin e saj Ayda bën me dije se fëmija i tretë i tyre ka ardhur në jetë nga një nënë surrogate, të cilës do i jetë mirënjohëse për gjithë jetën.
“Ne mbajtëm një sekret special. Jemi të lumtur të ndajmë me ju lajmin e ardhjes në jetë të një vajze. Mirëserdhe në botë Colette (Coco) Josephine Williams. Familja vjen në forma të ndryshme dhe kjo zonjushë e vogël, që është vajza jonë biologjike, u mbajt nga një nënë e jashtëzakonshme surrogate, së cilës do t’i jemi përjetësisht mirënjohëse”,- shkruan ajo.
Nga martesa e gjatë Robbie ka edhe dy fëmijë të tjerë, Theodora Rose dhe Charlton Valentine./revistawho.com
