Shrenu Parik është një nga aktoret më të preferuara të publikut me rolin e saj si “Gori” në serialin “Bixhoz me dashurinë” i cili i solli edhe famën e madhe. Aktrimi nuk ishte pasioni i saj por erdhi rastësisht pasi Shrenu dikur dëshironte shumë të bëhej miss. “Ëndërroja të bëhesha Miss India. Shokët dhe shoqet talleshin me mua prandaj mendoja që s’do e realizoja kurrë këtë ëndërr. Por më erdhi mundësia kur isha në universitet, mora pjesë në një konkurs bukurie dhe që atëherë nuk u dorëzova. Zoti ndihmon ata që ndihmojnë veten. Me mbështetjen e prindërve të mi arritja këtu ku jam sot. Aktrimi ndodhi rstësisht dhe nuk e kisha menduar kurrë se do ishte karriera ime. Familja ime më ka mbështetur pavarësisht çdo gjëje. Ata gjithmonë kanë qenë krenar për mua”-ka treguar aktorja në një intervistë. Shrenu Parik ka fituar Miss Universiteti 2007 dhe vendin e dytë në Miss Vadodara 2008.
