Në Who / Eni Çobani shoqërohet në polici? Juristja zbulon të vërtetën

Ditën e sotme në media ka qarkulluar lajmi se juristja e njohur, Eni Çobani ishte shoqëruar në polici. Në media thuhej se ajo ishte marrë nga policia e Gjirokastrës gjatë një seance gjyqësore, si pasojë e një denoncimi nga një qytetare që pretendonte se Çobani e kishte kërcënuar pas një debati në gjyq. Por ky lajm është krejtësisht i rremë dhe këtë e ka pohuar vetë Eni Çobani. Në një prononcim për ‘revistawho.com’, Eni u shpreh kështu: “Lajmi nuk është i vërtetë. Unë ndodhem në Tiranë dhe nuk jam shoqëruar në polici”. Ky informacion i shpërndarë sot në media mohohet të jetë i vërtetë edhe nga Gjykata e Apelit dhe Policia në Gjirokastër. Juristja vazhdon punën normalisht dhe kujtojmë se këtë javë Eni do të shfaqet sërish në ekranin e televizionit ‘Klan’ në rubrikën ‘Shihemi në gjyq’ në emisionin ‘E diela shqiptare’. Mesa duket, Çobanit do t’i duhet të luftojë edhe për të drejtën e saj, si një avokate që është gjithnjë në ndjekje të së vërtetës. / revistawho.com