Ditën e sotme mbushen 40 ditë nga koha kur Adelina Tahiri provoi ndjesinë më të bukur në botë. Në 27 gusht këngëtarja u bë nënë për herë të parë dhe solli në jetë djalin e saj, Jon. Tashmë duket se është kthyer në një lloj tradite, që përveçse përvjetorëve të ditëlindjeve, personazhet e famshëm festojnë edhe muajt e fëmijëve të tyre. Ndërsa Adelina në vend të 1-mujorit të lindjes së djalit, ka vendosur të festojë për 40 ditët e lindjes së tij. Për këtë ajo ka marrë një tortë të personalizuar me emrin e vogëlushit Jon. Ajo që bie në sy tek torta është zgjedhja e ngjyrës së bardhë dhe detajit të puplave, përzgjedhje e njëjtë si në ‘baby shower’, për të dhënë pamjen e një feste për një engjëll.
Pas lindjes së djalit, festa të tilla me siguri nuk do të mungojnë çdo muaj në shtëpinë e Adelinës, duke qenë se tashmë Jon është personi më i rëndësishëm në shtëpi. /revistawho.com
