Bashkohen aktorët e ‘Harry Potter’, fansat të entuziazmuar

Të gjithë fansat e serialit më të ndjekur, ‘Harry Potter’ janë emocionuar shumë pas bashkimit të dy personazheve kryesorë. Daniel Radcliffe i njohur nga filmi si ‘Harry Potter’  dhe Tom Felton i njohur si ‘Draco Malfoy’ janë bërë bashkë në një shfaqje në New York. Tom ishte i pranishëm në shfaqjen teatrale për të mbështetur mikun e tij, Daniel. Madje ai nuk ngurroi që të ndante një foto me të në rrjete sociale. Pavarësisht se në jetën reale ata janë miq shumë të mirë me njëri-tjetrin, njerëzit i rikujtojnë si dy armiq nga filmi ‘Harry Potter’. Ky film është një ndër më të ndjekurit dhe të preferuarit nga të gjitha moshat. Ndërthurja mes fantazisë dhe historive njerëzore e bën këtë film mjaft të veçantë dhe prandaj ky ribashkim i aktorëve është pritur me shumë entuziazëm. /revistawho.com