Këngëtarja e njohur, Kylie Minogue, po realizon turneun e saj të 15-të. Por duket se gjërat nuk kanë shkuar si duhet për të nga ana shëndetësore. Ajo ka një infeksion në fyt, gjë që e ka detyruar të shtyjë koncertet në Dublin dhe Belfast. Në një postim në Twitter, ajo shkruajti: “Të dashur, ju kërkoj ndjesë që nuk mund të performoj sot në Dublin dhe nesër në Belfast. Kam provuar cdo gjë të mundur që të jem në gjendje të performoj për ju por një infeksion në fyt që më ka shkaktuar tendosje vokale. Ju premtoj që do kthehem sa më shpejt të mundem. Cmimi Guiness po më pret! Ne po punojmë në datat e reja dhe shumë shpejt do dalin detajet e reja. Ju kërkoj ndjesë dhe faleminderit për mirëkuptimin”.
